推荐预测:世界王者好波贺岁 拜仁半细睇定食

发布时间: 2021-02-11 09:43 作者: 京城虎哥 文章字数:623字 阅读时间:2分钟

摘要:世界王者好波贺岁拜仁半细睇定食今日大年三十晚,世冠盃两场大战陪大家送鼠迎牛!戏肉当然係决赛拜仁慕尼黑斗堤格雷斯。过去13届世冠盃有12次由欧联冠军捧盃,计往绩拜仁可谓佔尽上风,不过睇番近几届决赛过程绝...

世界王者好波贺岁 拜仁半细睇定食

今日大年三十晚,世冠盃两场大战陪大家送鼠迎牛!戏肉当然係决赛拜仁慕尼黑斗堤格雷斯。过去13届世冠盃有12次由欧联冠军捧盃,计往绩拜仁可谓佔尽上风,不过睇番近几届决赛过程绝非一面倒,尤其上半场当大家有气有力时,战况远比想像中咬得紧,比赛初段入球数字偏低,波童建议拣1.5球半场细。

自从南美洲代表捧走头3届冠军,近年世冠盃都係欧洲代表天下,对上13届只有车路士喺2012年决赛输波屈居亚军,其馀12届欧洲代表全部都能顺利捧盃。不过连同今届在内,近6届世冠盃都喺亚洲举行,加上又喺季中,欧洲球队经过长途跋涉,赢波过程绝非轻鬆,好似上届利物浦就要踢到加时先以1比0险胜法林明高,之前3连霸盟主皇马除咗喺2018年决赛大胜艾阿恩4比1,其馀两届对鹿岛鹿角要踢加时、对甘美奥亦只能小胜1球,足证各洲代表喺实力上,已经同欧洲球队愈拉愈近。

近6届决赛半场例少交收

堤格雷斯上场1比0击败彭美拉斯,成为首支打入世冠盃决赛嘅中北美洲代表,表现有晒交代,其中法国老将基格纳喺今届赛事已射入3球,力压今场对手、射入两球嘅罗拔利云度夫斯基,相信拜仁后防都唔可以睇小佢。拜仁上场靠「罗拔仔」上、下半场各入一球,轻描澹写以2比0淘汰艾阿里,摆明睇定嚟食,今场随时照办煮碗。睇番拜仁对上一次捧走世冠盃,决赛都係赢非洲球队拉查体育会2比0,而且近6届世冠盃决赛,有5次上半场总入球都唔多过1球,相信今场比赛初段都唔会有太多入波,捧1.5球半场细稳阵。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/16490