推荐预测:乌克兰大骚撼狂牛

发布时间: 2020-09-06 09:57 作者: 伯温精算 文章字数:554字 阅读时间:2分钟

摘要:乌克兰大骚撼狂牛军刀带队最叻反击战今晚欧国联A4次轮重头戏,西班牙主场火併乌克兰。西班牙今次召入安素法迪等新星,主场必定抢攻;由「军刀」舒夫真高领军嘅乌克兰唔係善男信女,首轮赢波士气大振,「狂牛」主攻...

乌克兰大骚撼狂牛

军刀带队最叻反击战

今晚欧国联A4次轮重头戏,西班牙主场火併乌克兰。西班牙今次召入安素法迪等新星,主场必定抢攻;由「军刀」舒夫真高领军嘅乌克兰唔係善男信女,首轮赢波士气大振,「狂牛」主攻啱晒佢哋打反击,2.5球嘅入球大值得捧场。

西班牙首轮靠补时入波,作客惊险逼和德国1比1,咁都抢到分有啲运仔。主帅安历基今次徵召多位新仔,其中上场后备入替兼食咗球诈胡嘅安素法迪,更以17岁零308日之龄,成为自1936年以来最年轻嘅「狂牛」国脚。呢位巴塞新星入场后表现坚Sharp醒,难怪安帅都大讚佢喺天才,连同艾达马查奥尔、费伦托利斯等上位球星,中场由堤亚高艾简达拿以老带新指挥大局,实攻到你有气冇碇抖。

另一边厢,乌克兰喺「军刀」舒夫真高执教后愈踢愈好,之前取得欧国盃入场券,日前喺欧国联首轮,凭住英超孖宝耶莫兰高同辛真高各建一功,主场以2比1击败上届殿军瑞士。效力曼城嘅辛真高喺国家队担任番最擅长嘅中场,有佢拍住阿特兰大好波之人马利路夫斯基,箭头耶莫兰高唔愁冇供应。

西班牙近期主场旺入波

西班牙主场出击向来主攻,佢哋近8次主场有7次开3球或以上,偏偏乌克兰最想你攻,佢哋就可以打番最擅长嘅反击,尤其西班牙防中布斯基斯严重退化,面对敌方快速反击坚吃力,既然两队都有入波本钱,今仗等睇入球骚,2.5球大盘咪走宝。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/12362