推荐预测:英格兰访冰岛大开杀戒

发布时间: 2020-09-05 09:52 作者: 泡芙爱足球 文章字数:593字 阅读时间:2分钟

摘要:英格兰访冰岛大开杀戒新星争上位打甩髀今晚欧国联A2首轮赛事,擂台趸英格兰作客冰岛。「三狮兵团」虽有箭头拉舒福特等人因伤退队,但正好畀主帅修夫基考察一班「新鲜人」,好似首获徵召嘅格连活特及基亚利殊等,佢...

英格兰访冰岛大开杀戒

新星争上位打甩髀

今晚欧国联A2首轮赛事,擂台趸英格兰作客冰岛。「三狮兵团」虽有箭头拉舒福特等人因伤退队,但正好畀主帅修夫基考察一班「新鲜人」,好似首获徵召嘅格连活特及基亚利殊等,佢哋为争上位必定打甩髀,遇上今非昔比嘅冰岛势必疯抢,2.5球大盘可取。

英格兰今次点兵多多阻滞,先有中坚哈利马古尼喺希腊惹官非被除名,之后仲有拉舒福特及哈利云克斯因伤退队。主帅修夫基即时补选狼队后衞高亚迪及近期上位嘅阿仙奴通天老倌美兰尼尔斯,之前「修哥」讲过太多人而冇拣嘅基亚利殊,亦获徵召入伍。

三狮前线人满之患

呢位24岁维拉中场等足5年终一圆大国脚梦,佢上季喺英超创造进攻机会次数,仅次于曼城助攻王奇云迪布尼,几乎凭一己之力带领维拉护级成功。不过基亚利殊唔好咁老定,事关英格兰中前场依家争崩头,先唔计哈利卡尼同史达宁呢批「老大哥」,斋计新星就有格连活特、菲尔科顿、美臣蒙特,个个都想争士哥博上位。

另一边厢,冰岛自从2年前世盃后表现大插水,先喺上届欧国联A2包尾收场,之后喺欧国外H组亦只排第3,若非其他球队直接杀入决赛周,佢哋都攞唔到附加赛资格。冰岛球员质素麻麻,效力意甲布雷西亚嘅中场比卡比查拿臣、瑞典超AIK苏纳箭头史基贺臣已经算係较有卡士,呢类突然冒起嘅奇兵通常都係打道气,依家道气洩咗不宜高估。英格兰要赢冇难度,但客W冇肉食,既然佢哋近6场全开3球或以上,捧2.5球嘅大盘更上算。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/12327