推荐预测:利物浦寓赛于操搵萨尔斯堡磨刀

发布时间: 2020-08-25 10:16 作者: 老道看球 文章字数:526字 阅读时间:2分钟

摘要:利物浦寓赛于操搵萨尔斯堡磨刀衞冕英超嘅利物浦,现时正喺奥地利作季前集训,佢哋即将出战喺当地嘅最后一场热身赛,对手係奥甲强队萨尔斯堡。新一季英超将于9月12日开锣,红军首战面对重返英超嘅列斯联,联赛开波...

利物浦寓赛于操搵萨尔斯堡磨刀

衞冕英超嘅利物浦,现时正喺奥地利作季前集训,佢哋即将出战喺当地嘅最后一场热身赛,对手係奥甲强队萨尔斯堡。新一季英超将于9月12日开锣,红军首战面对重返英超嘅列斯联,联赛开波前会先喺8月29日社区盾迎接阿仙奴嘅挑战,连场大战杀埋身,相信阵中球员都希望尽快进入作战状态。

早前热身赛面对德甲新升班球队史特加,红军上半场精锐尽出,其中主力前锋罗拔图法明奴喺半场哨声吹响前,已经交出1入球1助攻,状态弗爆。下半场领队高普换入一众后备同年轻球员,包括希腊新兵迪斯米卡斯都获得「地标战」机会,整体表现依然冇跌Watt,再靠20岁小将利安比维斯达锦上添花,最终以3比0轻取对手,班波似乎未受早前有集训营成员确诊新冠肺炎嘅消息影响。

文尼拿比基达斗旧会

今场对手萨尔斯堡同利物浦唔少球员都颇有渊源,沙迪奥文尼、上仗有份入波嘅拿比基达,同埋上季季中加盟嘅日本国脚南野拓实,都曾经效力过呢支奥地利强队。

拿比基达喺两军今届欧联分组赛交手期间,已经入过波,帮利物浦以2比0作客击败萨尔斯堡,呢位畿内亚中场受伤病困扰,过去一季落场时间唔多,来季肯定希望畀多两钱肉紧,争取更多上阵机会。至于上阵时间更少嘅南野拓实,为讨领队高普欢心,呢场对住旧东家都必定搏尽。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/12247