推荐预测:劲旅对碰鲸鱼前锋大斗法

发布时间: 2020-08-23 10:10 作者: 安图尼斯 文章字数:641字 阅读时间:2分钟

摘要:劲旅对碰鲸鱼前锋大斗法日职前列大战,名古屋鲸鱼周日主场火併1哥川崎前锋。前锋周中喺榜首战大炒大坂樱花后,今季联赛累积至10胜1和不败,并以10分抛离樱花遥遥领先,佢哋11场攻入34球火力冠绝日职,作客...

劲旅对碰鲸鱼前锋大斗法

日职前列大战,名古屋鲸鱼周日主场火併1哥川崎前锋。前锋周中喺榜首战大炒大坂樱花后,今季联赛累积至10胜1和不败,并以10分抛离樱花遥遥领先,佢哋11场攻入34球火力冠绝日职,作客攻击力一样强横,今场作客鲸鱼3.5球嘅入球大值博。

鲸鱼攻击孖宝担正

川崎开季走势凌厉,除咗联赛首仗被鸟栖砂岩闷和0比0,日职重开后势如破竹豪取10连胜,10仗攻入34球仅失9球,周中主场以5比2大胜排次席嘅樱花,3位得分主力李安度达美奥、小林悠及三笘薰均有进帐,其中小将三笘薰如果再建功,就会追平名宿城彰二、柳泽敦嘅连续4场入波新人纪录,肯定搏尽。其实喺复赛连胜旅途上面,川崎唯一未赢过嘅就係鲸鱼,呢个月12号日联盃作客,佢哋受制于名古屋嘅酷热天气,只能同对手打和2比2,今番联赛再遇当然希望赢波。

鲸鱼周中凭马迪奥斯杜斯山度士补时入波,作客1比0击败湘南比马后,由第5升上第3位,今仗返主场迎战前锋,定必乘勇抢分,唔会坐以待毙。尤其球迷要注意一样嘢,鲸鱼喺日联盃打和川崎场波,其实係阵容不整嘅,当时前锋金崎梦生因为喺分组赛时未转会,帮鸟栖砂岩上过阵,依例唔准披甲,攻守核心阿部浩之又养紧伤,唔可以夫添出击,据讲呢两名大将今场多数担正,更有本钱同川崎驳火。

论往绩,双方34次对战川崎前锋取得19胜8和7负嘅明显优势,但係客胜得1.62倍回报唔多吸引。再睇番川崎今季7场作客赛事,当中6次开4球或以上,有咁靓数据支持,今场大家精锐尽出,夹手夹脚入够4球唔难,推介有2.45倍嘅入球大合理。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/12190