推荐预测:国米让波够逊心

发布时间: 2020-08-10 09:51 作者: 红彩教授 文章字数:451字 阅读时间:2分钟

摘要:国米让波够逊心利华对亲意甲兵脚软今晚另一场欧霸8强大战,国际米兰喺德国中立场火併利华古逊。国米主帅干地为增加话事权,对欧霸冠军志在必得;利华今仗有中场艾兰古斯坐波监,加上对亲意甲兵都冇运行,国米少让平...

国米让波够逊心

利华对亲意甲兵脚软

今晚另一场欧霸8强大战,国际米兰喺德国中立场火併利华古逊。国米主帅干地为增加话事权,对欧霸冠军志在必得;利华今仗有中场艾兰古斯坐波监,加上对亲意甲兵都冇运行,国米少让平半,上盘好路。

国米主帅干地早前闹爆高层冇保护球员,一度惹来离队传闻,但熟佢嘅球迷都知,干地係一位唔肯认输嘅教头,而且国米喺佢麾下明显进步紧,又点会执靓队波先嚟放弃?查实佢想加强喺球队嘅影响力,最直接係拎到佳绩,若果赢得欧霸锦标,话事权自然更大,所以斗心必坚。

国米上周凭卢卡古先开纪录,喺16强以2比0淘汰基达菲,呢位「新魔兽」联同拍档拿达路马天尼斯,各项赛事共入49球,属8强入面最强组合,比起曼联嘅拉舒福特拍安东尼马迪尔(45球)更厉害,锋力唔讲得笑。

夏维斯心繫转会

德甲代表利华古逊喺16强两回合赢格拉斯哥流浪4比1,但盛传佢哋踢完欧霸,就会放夏维斯畀车路士,呢位王牌随时惊受伤影响转会,唔慌去尽,另一中场艾兰古斯亦要停赛。何况佢哋向来惊意甲兵,近3次喺欧洲赛对意甲球队全败,国米小让平半,上盘抵玩。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/12026