推荐预测:两球在手实叹慢板 富咸细摆铁桶阵

发布时间: 2020-07-30 14:46 作者: 金手指南 文章字数:458字 阅读时间:2分钟

摘要:今晚英冠附4强次回合,富咸返主场再斗卡迪夫城。由於富咸射手阿歷山大米祖域继续倦勤,首回合又lead住两粒,正式你急佢唔急,今仗势必再摆铁桶阵,何况卡迪夫城嚟到附加赛明显冇晒油,焗攻更加有心无力,不妨再...

今晚英冠附4强次回合,富咸返主场再斗卡迪夫城。由於富咸射手阿歷山大米祖域继续倦勤,首回合又lead住两粒,正式你急佢唔急,今仗势必再摆铁桶阵,何况卡迪夫城嚟到附加赛明显冇晒油,焗攻更加有心无力,不妨再追2.5球嘅入球细。

富咸虽有射手阿歷山大米祖域受伤,但主帅柏加稳中求胜嘅策略部署得宜,首回合先守住半场,易边后靠基巴奴同约舒亚奥路马各省一粒,作客赢卡迪夫城2比0,抢佔先机。据报米祖域仍未好番,若果杀入英冠附决赛先可复出,因此今仗唔使预佢,既然上仗冇佢都照赢,今仗输1球都可晋级,随时再摆铁桶阵迎敌,睇定先食。

卡迪夫城油尽灯枯

卡迪夫城喺首回合有主场之利,却踢到老鼠拉龟冇碇埋手,似乎唔太擅於打主攻,依家仲落后紧2粒,要焗攻更不知所措。睇番卡城喺联赛末段搏得好尽,最后先攞到附加赛资格,与联赛末段已开始留力打附加赛嘅富咸相比,明显冇晒油。

而且讲到防守,富咸真系有一手,连埋首回合在内,近7仗有6次开2球或以下,其中5仗保持清白之身,加上近4次对卡城全开2球或以下,斯维相信富咸可守住优势入决赛,2.5球嘅细盘值得再追。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/11761