推荐预测:曼城斗般茅等睇入球骚

发布时间: 2020-07-15 09:26 作者: 红彩教授 文章字数:534字 阅读时间:2分钟

摘要:曼城斗般茅等睇入球骚曼城前锋加比尔捷西斯英超2哥曼城啱啱上诉得直,可继续参加下届欧联,士气高昂,今晚佢哋喺主场迎战般尼茅夫,肯定踢得更肉紧,不过般茅刚赢波令护级重现一线生线,就算造访「蓝月亮」亦唔会坐...

曼城斗般茅等睇入球骚

曼城前锋加比尔捷西斯

英超2哥曼城啱啱上诉得直,可继续参加下届欧联,士气高昂,今晚佢哋喺主场迎战般尼茅夫,肯定踢得更肉紧,不过般茅刚赢波令护级重现一线生线,就算造访「蓝月亮」亦唔会坐以待毙,而且近年在曼城球场对碰例必大手交易,3.5球嘅大盘趁早买。

捷西斯史达宁弗到爆

日前国际体育仲裁法庭,推翻欧洲足协对曼城嘅欧洲赛「禁赛令」,并且罚款亦获得减刑,一天都光晒,士气又点会唔好?况且,曼城喺复赛后未有因衞冕失败而「立油」,尤其係主场赛事,近4场喺自己地头都大胜对手,包括5比0蹂躏纽卡素、4比0大胜利物浦、5比0击败般尼及送赠阿仙奴3隻光蛋,攻力强劲,所以曼城单计联赛已累积91球,快将达百球大关,尤其係阿古路因伤提早收咧,而且仲有英足盃及欧联要争,睇番加比尔捷西斯回勇着番射门鞋,「假9」史达宁上仗连中三元,各有各好,大家都想做进攻Plan B,一定唔会揸流摊。

相比起试阵为主嘅曼城,尾3嘅般茅目标更鲜明,连续两仗联赛抢到分,包括上仗反胜前列分子李斯特城4比1,苏兰基更省两粒,依家落后尾4屈福特3分,联赛剩番3轮,为咗护级,场场都当决赛咁踢冇得缩,中坚尼敦阿基都伤埋,随时以攻代守。加上曼城近4次主场对般茅,全开4球或以上,3.5球嘅大盘乃不二之选。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/11294