推荐预测:红军入城做大戏

发布时间: 2020-07-02 11:57 作者: 泡芙爱足球 文章字数:637字 阅读时间:2分钟

摘要:红军入城做大戏红军队长佐敦轩达臣、红军射手穆罕默德沙拿挑战多项纪录唔揸流摊英超今晚上演褪色「蓝红大战」,曼城主场迎战利物浦。「红军」提早夺得英超冠军,不过仍希望挑战最高得分纪录,亦唔想一攞冠军就喺死敌...

红军入城做大戏

红军队长 佐敦轩达臣、红军射手 穆罕默德沙拿

挑战多项纪录唔揸流摊

英超今晚上演褪色「蓝红大战」,曼城主场迎战利物浦。「红军」提早夺得英超冠军,不过仍希望挑战最高得分纪录,亦唔想一攞冠军就喺死敌面前失威;「蓝月亮」输咗个联赛冠军,主场出击都想赢波挽回面子,今场牙骹战依然瞩目,加上双方联赛交手都多入波,一于捧中位数2.5球入球大。

利物浦提早7轮赢得英超锦标,好多球迷都对佢哋嚟紧嘅作战心态抱有疑问,查实「红军」仲有多个纪录等住破,包括英超单季最多胜仗(32场)、最高得分(100分),同埋冠亚军最大分差(19分),咁跷3个纪录都係由曼城拥有,如果利物浦今场赢到,亦保持机会追平「蓝月亮」创下嘅最多作客胜仗(16场)纪录,斗心唔会减弱。

翻查英超近季冠军球队纪录,除旧年曼城同利物浦要斗到最后一轮先分出胜负,对上3季英超盟主提早夺冠后,都冇放软手脚。2017/18年曼城提早5轮夺冠,翌仗大胜史云斯5比0;2016/17年车路士提早两轮捧盃,跟住险胜屈福特4比3;至于2015/16年李斯特城提早2轮封王后,一样轻取爱华顿3比1,冠军球队一向唔揸流摊,「红军」自然唔会做衰仔。

曼城主场誓挽面子

主场嘅曼城联赛冠军已经输咗畀利物浦,依家人哋嚟踩场,都想攞番个彩。虽然主帅哥迪奥拿话会按照传统,要求球员列队拍掌欢迎冠军队入场,但落到场就另一回事,实行同佢死过。既然双方过去5次喺联赛交手,4次总入球达3球或以上,今场相信都会係一场入球骚,与其估胜负,倒不如转捧入球大更稳阵。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10842