推荐预测:沙夏有傷水晶宮焗獻細

发布时间: 2020-06-29 16:15 作者: 匣内金刀 文章字数:373字 阅读时间:1分钟

摘要:今晚英超獨腳戲,水晶宮主場對般尼,兩軍目前同得42分無欲無求,而且今場雙方前線都有主力受傷,冇咩入波板斧,睇番兩軍對上6次交鋒有5次開2球或以下,今場熱捧中位數2.5球嘅入球細。水晶宮、般尼目前31戰...

今晚英超獨腳戲,水晶宮主場對般尼,兩軍目前同得42分無欲無求,而且今場雙方前線都有主力受傷,冇咩入波板斧,睇番兩軍對上6次交鋒有5次開2球或以下,今場熱捧中位數2.5球嘅入球細。

水晶宮、般尼目前31戰同得42分,水晶宮以較佳得失球差排高一位,兩隊基本上已護級成功,水晶宮上場作客淨吞利物浦4蛋,雖則對手實力大超班,但水晶宮全場竟然連一次入對方禁區嘅機會都冇,成班人鬥心可想而知,況且前線最具威脅嘅韋費特沙夏報稱有傷,今場未必披甲,加上賓迪基亦上陣成疑,單靠佐敦阿休惡唔出樣。

般尼擅守不擅攻

般尼向來擅守不擅攻,而且今場仲有基斯活特及艾殊利班尼斯養傷,兩人今季幫般尼入咗17個聯賽入球,佔球隊總數近一半,作客更加難入波;基於兩軍實力、踢法均異常接近,近年交鋒戰情經常陷於膠着,近6次對賽有5次開2球或以下,相信今場形勢唔會有太大改變,捧細好路。  

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10810