推荐预测:傷疲盡起!熱刺扑錘攞3分

发布时间: 2020-06-23 14:56 作者: 凯里侃球 文章字数:493字 阅读时间:2分钟

摘要:英超復賽首個快車期爆倫敦打吡,熱刺主場鬥韋斯咸。熱刺停擺期後傷疲盡起,王牌哈利卡尼、中場孫興民及門將洛里斯復出,迪利阿里停賽後可以上陣,兵源充足,有力輕取作客不濟嘅韋斯咸,捧主勝。原本長期養傷嘅哈利卡...

英超復賽首個快車期爆倫敦打吡,熱刺主場鬥韋斯咸。熱刺停擺期後傷疲盡起,王牌哈利卡尼、中場孫興民及門將洛里斯復出,迪利阿里停賽後可以上陣,兵源充足,有力輕取作客不濟嘅韋斯咸,捧主勝。

原本長期養傷嘅哈利卡尼及洛里斯,重開後首仗對曼聯已經上陣,迪利阿里因發表不當言論被罰停賽亦已經刑滿,今場對住「錘仔幫」,領隊摩連奴可以派強陣出擊。經過一場對曼聯1比1嘅激戰之後,熱刺眾將操起狀態,尤其哈利卡尼經過熱身後,相信今場會有更佳表現,貝雲積上場更加打開紀錄,加上佢哋連續兩場主場出擊,唔使舟車勞頓,喺快車賽期相當有利。

舊年11月接手熱刺嘅摩連奴,英聯盃、英足盃同歐聯都已經出局,今季剩低嘅目標係爭歐洲賽資格,如果咁都做唔到,一代名帥顏面何存,今場佢肯定精銳盡出,免得被人口誅筆伐。

韋斯咸作客腳軟

身處護級漩渦嘅韋斯咸極需要搶分,但佢哋上輪主場都不敵狼隊0比2,好彩喺佢下面3隊般尼茅夫、阿士東維拉同諾域治齊齊輸波。不過,作客一向係「錘仔幫」死穴,韋斯咸近6場聯賽作客全敗,之前作客先後不敵曼城、利物浦及阿仙奴,今仗又要對另一支前列球隊熱刺,要搶分真係難過登天,熱刺個W相信會愈買愈熱,有買趁手。  

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10545