推荐预测:祖雲達斯客W抵博

发布时间: 2020-06-22 17:03 作者: 京城虎哥 文章字数:426字 阅读时间:2分钟

摘要:失落意盃聯賽唔衰得意甲榜首勁旅祖雲達斯今晚作客博洛尼亞,「斑馬兵團」只係領先第2位拉素1分,1哥位唔穩陣,同埋剛於意大利盃決賽失冠,勢必化悲憤為力量,更加落力搶分衝擊聯賽錦標,一於捧祖雲達斯客勝。祖雲...

失落意盃聯賽唔衰得

意甲榜首勁旅祖雲達斯今晚作客博洛尼亞,「斑馬兵團」只係領先第2位拉素1分,1哥位唔穩陣,同埋剛於意大利盃決賽失冠,勢必化悲憤為力量,更加落力搶分衝擊聯賽錦標,一於捧祖雲達斯客勝。

祖雲達斯喺意甲復賽前夕已踢咗2場意盃,先係4強次回合對AC米蘭,上周中決賽同拿玻里法定時間打和0比0,互射12碼輸2比4。雖然祖記痛失獎盃,但呢兩場賽事無疑係最佳「熱身賽」,有助祖記球員迅速提升比賽狀態,為爭奪意甲錦標做好準備。

祖雲達斯今季遭兩大勁旅拉素及國米夾擊,特別係拉素來勢洶洶,令教練沙利備受壓力,甚至有傳如果祖記意甲8連冠走勢斷纜嘅話,沙利將會被炒,餘下每仗必搏盡。

博洛尼亞輸往績

至於博洛尼亞位處聯賽中游,仲有機會爭奪下屆歐洲賽入場券,但係球隊喺意甲停擺前嘅3場比賽僅取得1和2負,開始出現鬆懈。更何況博洛尼亞嘅實力同祖記存在明顯差距,雙方近8次對賽,博洛尼亞都輸波,包括近4次主場對祖雲達斯全敗兼只入1球,預料今場難逃再敗,祖記客勝穩陣。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10530