推荐预测:诺域治唔识入波修咸顿乘细突袭

发布时间: 2020-06-19 10:33 作者: 伯温精算 文章字数:551字 阅读时间:2分钟

摘要:诺域治唔识入波修咸顿乘细突袭诺域治前锋迪姆普基英超周五赛事打头阵有诺域治主场迎战修咸顿;依家排包尾嘅诺域治,护级形势可以话水深火热,最大问题係球队入球能力严重不足,首席射手迪姆普基今季虽然有11球进帐...

诺域治唔识入波修咸顿乘细突袭

诺域治前锋迪姆普基

英超周五赛事打头阵有诺域治主场迎战修咸顿;依家排包尾嘅诺域治,护级形势可以话水深火热,最大问题係球队入球能力严重不足,首席射手迪姆普基今季虽然有11球进帐,但当中有6球喺今季头1个月拎到,今次主场都未必攻得破修咸顿防线,中位数2.5球入球细最抵玩。

联赛排包尾、降班机会高唱入云嘅「金丝雀」诺域治向来入球能力欠奉,想偷鸡赢波充满难度,往往只能靠防守「保本」,就算主场出击亦只能期望稳中求胜,所以停摆前4场联赛主场赛事,总入球都开出2球或以下,包括死守之下0比1仅负利物浦,以及爆冷1比0小胜劲旅李斯特城。迪姆普基虽然係诺域治首席射手,但对上一次喺英超入波,已经係今年1月份,把握力严重不足。不过睇埋其他队友更湿滞,全队亦只有中场简威尔入波多过1粒,试问今场边有本钱向实力较佳嘅修咸顿抢分。

圣人作客先求稳

暂时位列英超14位嘅修咸顿,距离降班区域嘅球队最少有7分差距,护级形势未算太差,不过为求尽早上岸,每1分对「圣人」嚟讲都相当重要。可惜修咸顿入球能力亦属一般,踢咗29轮联赛只係入咗35球,今场作客就更加择使,毕竟「圣人」喺停摆前3场作客赛事输晒,而且合共失咗10球,为止血今场必定会先加强防守,希望打突击抢走3分,预料客军踢法唔会冒进,入球细可以优先睇好。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10363