推荐预测:西維爾W有利可圖

发布时间: 2020-06-15 15:28 作者: 小凡看球 文章字数:577字 阅读时间:2分钟

摘要:體力往績瓣瓣贏晒西甲復賽即大開快車,周二凌晨上演重開後第2輪賽事,頭場先有利雲特於中立場鬥西維爾;利雲特上場喺打吡戰逼和華倫西亞勝在有運,不過佢哋今場有首席射手羅渣馬迪停賽,加上近4次對賽全部輸晒,面...

體力往績瓣瓣贏晒

西甲復賽即大開快車,周二凌晨上演重開後第2輪賽事,頭場先有利雲特於中立場鬥西維爾;利雲特上場喺打吡戰逼和華倫西亞勝在有運,不過佢哋今場有首席射手羅渣馬迪停賽,加上近4次對賽全部輸晒,面對狀態正勇嘅西維爾料凶多吉少,西維爾客W值得捧場。

西甲上周五凌晨重開,暫定7月19日煞科,各隊要喺5個多星期內完成11輪比賽,差唔多每隔3至4日就要踢1場,對球員體力要求極大;利雲特前鋒羅渣馬迪上場對華倫西亞喺法定時間完場前15分鐘領紅牌被逐,搞到球隊最後階段10人應戰,就算最終憑干沙路美利奴補時射入12碼追平,但成班人消耗大量體力,加上佢哋比西維爾遲一日比賽,體力更加輸蝕。何況羅渣馬迪今季喺聯賽攻入11球,佔球隊總入球3分1,今場佢要坐波監,對進攻造成極大影響。

西維爾上場主場以2比0輕取同市宿敵貝迪斯,表現充滿說服力,其中阿根廷翼鋒奧甘波斯入波兼助攻,連停擺前聯賽已經連續5場有士哥,腳風大順,而且西維爾近4次鬥利雲特全部贏晒,體力、往績一面倒佔優,有力反客為主開客W。

神經刀貝迪斯輸盤格

至於尾場由貝迪斯主場對CF格蘭納達。貝迪斯今季表現神經刀,主場既可擊敗皇馬,面對馬略卡、伊巴等下游隊伍卻又失分,上場輸畀西維爾,球員狀態明顯未番嚟;格蘭納達對住前列基達菲喺落後1球之下,反勝2比1全取3分,連停擺前聯賽保持5戰不敗,受讓必捧讓球客勝。  

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10268