推荐预测:爱斯宾奴让波捧对家

发布时间: 2020-06-13 10:31 作者: 足彩瓜瓜 文章字数:518字 阅读时间:2分钟

摘要:爱斯宾奴让波捧对家踢早场9成赢唔出今晚西甲早场又有武磊睇喇,佢效力嘅爱斯宾奴主场迎战艾拉维斯。不过爱奴踢亲早场都濑嘢,主场出击又渣,仲有正选门神迪亚高洛迪古斯坐波监,原本不稳嘅防线更牙烟,艾拉维斯可趁...

爱斯宾奴让波捧对家

踢早场9成赢唔出

今晚西甲早场又有武磊睇喇,佢效力嘅爱斯宾奴主场迎战艾拉维斯。不过爱奴踢亲早场都濑嘢,主场出击又渣,仲有正选门神迪亚高洛迪古斯坐波监,原本不稳嘅防线更牙烟,艾拉维斯可趁机抢分,受让必捧让球客胜。

西甲赛会今季致力拓展中国市场,梗係要搵武磊做生招牌,为咗迁就中国球迷可以喺食紧饭嘅黄金时段睇波,唔使捱夜,经常安排爱奴踢早场,即係当地时间中午,有利西甲赛会吸金,不过呢个举动就累咗爱奴。

原来爱斯宾奴今季踢咗13场早场,只得1胜3和9负,一来早场太多,二来西班牙球员普遍唔习惯咁早踢波,反观佢哋喺其馀夜啲开波嘅14场比赛,就攞到14分,好明显因为商业决定而牺牲成绩,难怪依家排紧包尾,今仗继续踢早场绝对难以乐观。

艾拉维斯抢分赶上岸

除此之外,爱奴一向稳健嘅门神迪亚高洛迪古斯,因为喺停摆前对奥沙辛拿「两黄一红」被逐,延至今仗至坐波监,对于呢支已失46粒嘅包尾大幡嚟讲,打击更大。另一边厢,位列下游嘅艾拉维斯,领先尾3嘅马略卡7分,不过联赛仍有漫漫长路,仍需抢分求尽快上岸,前锋祖斯卢辛马田今仗停赛,相信会先做好防守。翻查纪录,爱奴主场战绩坚曳,今季13次联赛主场出击,赢得1场咁大把,边有本钱让波吖,转捧让球客胜。

  • 版权声明:以上文章内容仅代表作者本人观点,不代表jrs直播体育网观点或立场。如有关于作品内容、版权问题请联系我们进行处理
  • 本文链接:https://www.jrssports.com/news/detail/10177